جولة في عوافي

#1 02-07-2009, 12:48 AM

السلام عليكم ورحمة الله وبركاته جميع

كيف حاال الربع والعربان الاولاد والبنات الصغار والكبار النشيطين والهيازة

اخباركم وعلومكم خبروني عن علومكم

اليوم يايب لكم عن جولة كانت بعوافي ايام المهرجان

طبعا الكل ايعرف ان عوافي اهم ما يميزها رملتها والتصعيد ( التطعيس ) فيها فما بالك اذا كان الجو غيم و شوية نفاف وجو وااااااااو تخيل يعني كيف الحال وقتها

اقول اخليكم ويا الصور احسن تراني لغاي وما بسكت

هذا نحن هنيه بالاتجاه الى منطقة عوافي من احد المداخل غير الرئيسية يعني وصلنا عن طريق البر لمنطقة عوافي ( طبعا الصورة هالمرة بدون سنديجات او كرواسون ) هب نفس المرة اللي طافت خخخخخ

واخيرا وصلنا للند والشبيبة سابقينا طبعا اكيد لانه محد يفوت هالجو

واستقر بنا المقام هنا من هالموقع العالي

نظرة عالموتر من تحت

وتموا الشباب يصعدون طالعين نازلين ونحن شوي نصد يمين شوي نصد يسار شو نسوي ماشي شغلة ( اخليكم ويا صور التصعيد )

وهذا موتر اخترب شوي وشويات وعقب ردت له الصحة ورد مرة ثانية يناطح العرقوب

اما هذي الكورولا فقالت لازم ادش مضمار التحدي واسوي دعاية لتويوتا وفعلا صعدت للاخر والله خخخخ ما فيها حيلة

أما الارمادا هذي انا حسبته عايلة مضيعة بعوافي وقلت يمكن الدريول ظربه هوجاس التحدي براسه والعايلة صراخ وهو همه بالصعيد وعيش حياتك خخخخخخ ... صعد الحبيب صعد واترياني باجر بالمطار مسفرمكنسلة ويزتك خخخخ

اما هالرنج قال انا لازم يكون لي بصمة بعد صح انا عمري فوق الستين بس بعدني فيني شدة وعزيمة

هذا عاد قصته قصة قال الا يدافن ويا الرمل وهو يصعد وبالفعل مبين من الموتر الحالة اللي وصل لها ( صح الموتر اننن وانن بس اظني كلها يصيح على صاحبه فكني وارحمني )

وكان للدراجات النارية حضورها طبعا اكيد حاشرينا حشرة ولو اني ما اداني حشرتهم الصراحة اذية لزقة نشبة عنزروت

وكانت لهالسيارات ما ادري شو يسمونها بو اربع تواير حضورها ما مقصرين الشباب من كل بستان زهرة خخخخخ

وهنيه نظرة عامة للجمهور المتواجد من زاوية واحدة فقط

وهنيه نظرة عامة لمنطقة عوافي والمسرح

وعقبها نزلنا وخذيت لكم صورة للند من تحت

اتجهنا عقبها لساحة التخميس ( التفحيط ) ووقفنا الموتر هنيه

واخليكم ويا جم من صورة للتخميس والعفيس

وردينا مرة ثانية عقبها للند عشان نطالع التخميس لانه يعيبني اكثر عن التخميس وريحة التواير ما ادانيها انا بروحي عويق

وتمينا لين غابت الشمس اكثر واكثر

لا هب اكثر الا قول لين ما اظلمت الدنيا واستوى العشا ونحن الا نطالع اللي طالع ونقص عليهم ندق هرن اونهم عاد سووا شي الحين فرحانين يوم اصورهم يحليهم اضحك عليهم خخخخخ

وعقبها اتجهنا نبا نطلع من عوافي من صوب البوابة الرئيسية

وطبعا اللي ياي يعرف زحمة الدخول والخروج من والى عوافي الا اللي يعرف اماكن الخروج مثلي انا يعني احم احم يدبر حاله بس تراني قلت يالله الحشرة ويا الناس عيد وتراها ربشة وخلنا مرتبشين احسس عمري بمسيرة خخخخخخخ

ونحن رادين اشار علينا احد الاخوة من الراكبين بان نقوم بالذهاب الى مطعم خالد حرية وبالفعل تم الاتفاق على ذلك ( اتفق العرب اخيرا خخخخخخ )

هذي واجهة المطعم ولوحته المشهورة هناك

وهنيه بعض الوجبات اللي يقدمها المطعم لزواره الكرام

اما هذا فهو المجلس اللي يلسنا فيه انا والشبيبه

مناظر من المكان اللي يلسنا فيه

صورة ارضية للمجلس

فنر كهربائي معلق شي طالع الصراحة يحسسك بالماضي الجو هناكي

حصير من الخوص ( سرود )

وهذا كان مكاني تدرون عاد شخصية كبيرة ولازم يكون لها مكانها المرتب خخ

الشباب يتريوني اخلص عسب يبدون يضربون بالخمس

وطبعا انا يالله يالله اخلص تصوير عسب الحق على نصيبي من الاكل ولا الصراحة ما بتم لي شي ( حتى ما اتريوني اخلص الصورة هذي مبين هجموا على طول )

المهم تمينا لين الساعة 11.30 او 12.30 ما اذكر الصراحة وعقبها طلعنا وخذيت لكم كم صورة من ميالس المطعم

وهنيه نظرة للتنور الصغير والجمر اللي يشتغلون عليه

وطلعنا من المطعم وخذيت صورة جانبية بالظلام للمطعم

وتوجهت الى البيت وتدرون عاد شوارعنا كيف خرسانة ماي فيوم وصلت للبيت تفاجات بحالة موتري صدمة لون البدي والتاير واحد خخخخ

وعقبها دشيت البيت وانخمدت لثاني اليوم استعدادا لجولة ثانية

هاي كانت باختصار سالفتي ويا جولتي بعوافي

السموحة على الاطالة

ارحب بالانتقاد البناء

وشكرا

المصدر: منتديات برنس الإمارات - من قسم: عَــدســـہ اڷأعَــضـاء

[,gm td u,htd

**الـ۶ـيوטּ الـ ωـود** · 02-07-2009, 12:55 AM

تسلم اخووي ع الجوله الحلووه

ولاتحرمنااا من يديدك ابدد
الله يعطيك العافيه

**@(~**» نْـبْض اڵمْشُـاعـر ُ™**~)@** · 02-07-2009, 01:08 AM

سلاااااااااامي عليكـ وع التصوير الطرطريشن

تسلم يمناااكـ خيووو ع الصور الناااايس

صراااااحة انتو يالشباب حياتكم وناسة في وناااسة

ونرقب الجولة الياية لان وبكل صراااحة جولاتكم طشخااااا

**بنت الخور** · 02-07-2009, 03:59 AM

يسلااااااااااااااااااااااااااااااااااااااااااااااا اااااااااام

صراحه كنت عزمتنا

صراحه الجوله ولا اروع

لا تنسى تسلم على ربعك *_^

**الدعم الفني** · 02-10-2009, 07:17 PM

الجوله روووعه اهم شيء انك استانست فيها
تسلم يمناك اخوي والتصوير روعه ما شاء الله عليك
نتريا كل يديد من صوبكـ

**عذبة القلب** · 02-10-2009, 07:35 PM

رووووووووووعه ^^
والله انها جوله طرطوبيشن ..
تسلم يمنآك يااااخي على هييك تصوير..
ماقصرت ومآفييييك حيله خيوو^^
نتريآ يديدك المبهر

02-16-2009, 10:34 PM

الله الله
يا سلامي عليك
عيشتنا في الصور
وانا غرامي هاي السوالف
هههههههههههههههههههه
وربي ابدعت في التصوير
جولة ولا اروع
عسى ايامك كلها خير وسعادة
وفي انتظار الزود من صوبك
وفمان الله

**عكس قانونه** · 02-21-2009, 01:31 AM

تسلم يالحبيب عالصور

ربي يعطيك العافيه

احلى شي عوافي

**قطۈه غٱۈيہ** · 03-29-2009, 01:21 PM

نــــــــــــايس والله

احب البر ><

يلموو عالصور الغاويه خيماوي ^^

**غـلآ المـحـبـه** · 03-29-2009, 05:33 PM

اهم شي مستاانسيين

يسسلموو

ع الصور ويا جولتكم

يعطيك العافيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 2 ( الأعضاء 0 والزوار 2)

"الإهداءات"