هرم غيلان

 

هرم غيلان

سلمكم الله هاكي اليوم طايح مطر بالليل ويوم اصبح الصبح توقف وطلعت الشمس والجو غيم يعني نص نص فطلعت اتمشى وكان في منظر دوم اجوفه بمنطقة غيلان براس الخيمة وين قوم شعبية السعدي ( بني ساعد ) على خط شمل الرمس فكنت على الخط ودقت براسي امر صوبه لانه من زمان كان خاطري بهالشي وبصراحة مكان كان ممكن يستغل لغرض سياحي كحديقة او ما شابه بس يوم سرت هناك تفاجات بالكسارات والتريلات المهم دشيت بالقرقرة ومشيت ووصلت لهالمكان وقلت بصور لكم جم صورة



هاي صورة للهرم من بعيد




وهاي صورة مقربة للهرم




هنيه تصارع اشعة الشمس مع الغيم











وهنيه جفت وادي واهل الكسارة مغزرينه اكثر فقلت الا ادخله عناد





ما سبق كله تصوير و انا بالسيارة اما عقبها نزلت منها وخليتها بروحها يحليلها وكان نزولي قريب من الوادي





منظر خلفي للهرم





وخلال تجوالي بالمكان حصلت لكم كهف وهذا الكهف ينشاف للي طالع من الرمس وساير صوب النخيل يبين من فوق شعبية بني ساعد ما وصلت عنده لانها كانت زيارة عالطاير لكن لنا عودة له ان شاء الله





وهنيه صورة للوادي من الداخل





وكملت عقب حصلت كسارة قلت ما فيها شي يتصور المهم خلال حواطتي هناك شفت اعشاب واشجار جبلية حبيت اصورها واراويكم اياها









وعقبها خذيت لفة في المكان وحاوطت وكان الشارع موحل وكانك رايح مكان مجهول




وهناك حصلت لكم قلعة بس الشباب مشخبطين عليها ومخربين التراث




وهنيه صورة لبوابة القلة على ارتفاع امتار عن الارض






وكان عقبها شارع قار استلمته حصلت عمري مجابل صالة شمل للافراح ورديت عقبها الرمس





اتمنى اتعجبكم الرحلة البسيطة واتمنى اكون لفت النظر لهذا الهرم اللي ممكن من صغرنا ونحن نخطف عليها وما نلاحظه





وشكرا لمتابعتكم



ارحب الانتقاد البناء



خيماوي_2000

Just_me

المصدر: منتديات برنس الإمارات - من قسم: عَــدســـہ اڷأعَــضـاء

---

ivl ydghk

 

[εїзالٌــ ٍـُسنِافٌــٍـيـﮧًεїз]

 

ياااااااي
الجو الصراحة روعة
الله يزيد ويبارك
الظاهر تاريخ الكيمرة مخرف
عدل التاريخ خيو
ذكرتني في هاي التاريخ عمري كان 8 سنوات
ياحليلي كنت صغنونة<<< وايد تسولف
ههههههه
يعطيك ربي الف عافية
ودامت يمناك
وفمان الله

 

 

[غـلآ المـحـبـه]

 

يسلمووو

ع الصوور


والجوو ونااااسه


يعطييك العاافيه


تحيتى لك

 

 

[الشقردي]

 

ما شاء الله وتبارك الرحمن الصور قمه في الروعه
سلمت يمناك اخوي

 

 

[A S H L E Y]

 

ماشاءالله ع المناظر

يعطيك العافيه ع التصوير الحلو

تقبل مروري

 

 

[دفـئ البوح]

 

يسلموو خيوو على التصوير

يعافيك ربي

 

 

[karazah]

 

وااااااااااااااااو المنظر روعه مررررررررررررره يجنن تسلم علي الصور

 

 

[@(~» نْـبْض اڵمْشُـاعـر ُ™~)@]

 

تسلم يمناااك اخوي ع الطرح

انت شي شي

نرقب الزود من صوبكــ

 

 

[بدووم ع ذكرااه]

 

&*^ يعطيك العافية خيو ^*&

 

 

[فجرااوية خبــــأـأل]

 

يعطيك العافية خيو
ومااقصرت