دستور حبي-(سالم البركاني)

[εїзالٌــ ٍـُسنِافٌــٍـيـﮧًεїз]

 

دستور حبي-(سالم البركاني)

السلام عليـــــــــــــــكم ورحمة الله

تعالي وافتحي الدفتر وشوفي وش جرى فيني
انا والهم والغربه و"وعدٍ" من ثلاث شهور
وصوره في طرف حائط ودمعٍ في هدب عيني
وقلبٍ ينبض بحبك وعقد من الغلا منثور
اذا تنسين انا ما انسى ولو جفت شرايني
واذا تقسين انا ما اقسى لأني في العشق معذور
رحلت وشفت انا اجناس.. هنا مصري فلسطيني
هنا حبيت انا صنعا ونجد وريحها المسحور
هنا قالت لي احبك.. هنا كانت تبدّيني
هنا اهدتني الورده.. وخلت دمعتي بلور
هنا كان الهنا مره.. هنا كانت تبكيني
هنا حبيتها باخلاص.. هنا كان الوله مسعور
هنا كان اول انسانٍ ..على كيفه يمشيني
هنا كانت بداياتي.. هنا كان اللقى مقدور
هنا كانت نهاياتي ..هنا ضاعت عناويني
هنا كانت الهنا مره.!!.وقلبي في وسط تنور
تعبت استنزف جراحي واقول الا تحبيني
صحيح انتي تحبيني؟! تعالي والحضن مهجور
أموت واحتضن صدرك وشعرك يلمس يديني
واشده من كثر حبك تصيحي يا حبيبي ثور
ويدك من ورى كتفي تجي ترعش تدفيني
ويدي من ورى كتفك تخلي للشعور شعور
ثلاث ايام في قربك تداوي باقي سنيني
ثلاث ايام في قربي تخلي خاطرك مجبور
وانا والهم والغربه وكحل الليل وانيني
ودفتر يحمل اهاتي وقدرٍ في الحشا محفور
انام وساعة التنبيه وعدٍ بينك وبيني
وقبل ماتضرب الساعه "أفزز" أراجع الدستور
احبك في بند واحد ..أمانه لا تخليني
واحبك في بند مليوون وقصه من ثلاث سطور
أبحكيها على الماشي واذا طولت ضميني
لانك عايشه فيها وفيني يا حمام الدور
أنا في البارحه شفتك حسبت انك تناديني
وكانت في يديكي زهور مثل مافي يديني زهور
وقلت الله ياقلبي اكيد اليوم تهديني
وترفع قدري فعيني وأصير بدنيتي مشهور
ومرت كتفي بكتفك ولا كنك لمحتيني
حسافه ماهي الهقوه وش اللي غيرك يالنور
وانا ما ابي ابد تفسير ابيكي بس تحكّيني
عن الماضي وسوالفنا وعهدٍ بيننا مشطور
وعينٍ تبكي الفرقى ونبضٍ يسألك ويني
وطفل طاح في حضنك ومن وقته غدى مذعور
وبيتٍ باول الشارع على سوره تركتيني
وقلتي باكر الموعد وباكر له ثلاث شهور

شاعر الغربه
سالم البركاني

المصدر: منتديات برنس الإمارات - من قسم: الخواطر ونبـض المشاعر

---

]sj,v pfd-(shgl hgfv;hkd)

 

[معزم بالرحيل]

 

الحب الكلمة التي أراقت الدمع على طلل .

الحب كلمة لانهاية لها .......

شكرا جزيلا على الكلمات الرائعة

 

 

[εїзالٌــ ٍـُسنِافٌــٍـيـﮧًεїз]

 

العفو حبوبة
وهذا من ذوقج الطيب

 

 

[الـ۶ـيوטּ الـ ωـود]

 

تسلمين الغلا ع الكلمااات الجميله

ولاتحرمينااا من يديدج المميز

الله يعطيج العافيه

ربي يحفظج

 

 

[εїзالٌــ ٍـُسنِافٌــٍـيـﮧًεїз]

 

الله يسلمج ويعافيج
وهذا من ذوقج
ودمتى سالمة

 

 

[°•√♥ شموخ العز♥√•°]

 

صح لساانج...
ننتظرجديدج ....
فديتج بطووووووه ...

 

 

[εїзالٌــ ٍـُسنِافٌــٍـيـﮧًεїз]

 

صح بدنج
والله يسلمج ويعافيج
وهذا من ذوقج

 

 

[اميرة باحساسها]

 

تسلم يمنااه ..

لاهنتي على هالطرح الغآوي ..

 

 

[أمير الذۆقہ ۆالرقهہ]

 

ثَآآآآآآآآآآآآنٍڪَسِ عُِ آڷطَرٍحِ