قصيده ترجع الزعلان لصديقة

[@(~~بين ايديه~~)@]

 

قصيده ترجع الزعلان لصديقة

السلام عليكم..

قصيده أقل ما اقول عنها إبداع جمعت الحب والوفاء والطيبه والحزن ... معاً
لاأستطيع التعبير أترككم مع الأبيات المعبره :


رجع يسأل عن أخباري بعد غيبة سنه وشهرين
..رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين
. وإهو مـا يدري الدمعة تسيــل ولاتسليني..

دمع.هالوجه..أو كنه جمع في غيبته جرحين
.. وأنا عيني بدت تدمع على حزنه وتبكيني..

يقول الدنيا خانتني وبعدك يا الغلا سكين
ولا أحدن يا الغلا غيرك يقدرني ويراعيني..

حبيبي ضقت بغيابك حبيبي حيل أنا مسكين
.. وأنا جيتك بهاليله وتكفـــــــــى لا تخليني..

و أنا.. لامن نطق (تكفى) عطيته لوطلب (هالعين)
..وأجود بكل ما يملك خفوقي وتملك إيديني..

وقلت: ابشر ولايهمك تدلل وش تبي يا زين
.. تراني فدوه عيونك (لو إنك جيت تشقيني)..

حبيبي لو تبي القمره عطيتك فوقها ثنتين
.. بعد لو تطلب النجمة أبنطق جيتك إضويني..

بعد هذا ضحك ..بعثر همومه سلهم الرمشين
.. وقـــــال الله يا الطيب وأنا ظــــنيت ناســــيني..

صراحة.. حيل تحرجني يا طيب يا أطيب الغاليين
.. ولا ادري كيف بوفيلك حـــبيبي وأنت تعطيني..

بعد هذا تسامرنا وتواعدنا بعد يومين
. . ووصيته على قلبي وهو مثلي يوصيني..

تواعدنا على الجمعة ((ولا جاني ))إلى الاثنين
. ومر أسبوع والثاني وشوقي يشتعل فيني..

تصدق عاد يا السامع !!ولا جاني الين الحين. وقبل تسأل عن أسبابه بجاوب ((وإنت واسيني))..

لأنه مــ ــ ــ ـات في حادث وأنا مت بغيابه لين
[[عرفت إني كذا ببــقى ولا أحــد يقوى يحــييني]]..





الواحد بهالدنيا مايدري متى يومه وهل راح يتواجه مع أحبابه؟
وإذا فارق الدنيا هل بيكون زعلان منهم...ولا مشتاق لشوفتهم..؟؟!!
الله يديم أحبابنا لنا..

المصدر: منتديات برنس الإمارات - من قسم: الخواطر ونبـض المشاعر

---

rwd]i jv[u hg.ughk gw]drm

 

[دفـئ البوح]

 

بالفعل الإنسان ما يدري شو بيصير له بعد دقيقه


مشكووووووووووره ( بين يديه)
على النقل الرائع والإختيار الصائب
تقبلي مروري مزود بباقة معطرة من تحياااااااااتي
أختك .. عذبة المشاعر

 

 

[برنس الإمارات]

 

حبيبي لو تبي القمره عطيتك فوقها ثنتين
.. بعد لو تطلب النجمة أبنطق جيتك إضويني..


ــــــــــــــــــــ
تسلم ايدج خويتي ( بين اديه ) على القصيدة الحلوه

ربي يعطيج الصحة والعافية .. ودمتي بحفظ الله ورعايته

 

 

[معزم بالرحيل]

 

تسلمين غلايهـ ع القصيدهـ

ويعطيج العافية

 

 

[εїзالٌــ ٍـُسنِافٌــٍـيـﮧًεїз]

 

كلمات في قمة الذوق والروعة
من يقرة القصيدة يبحر فيها
يسلموع الاختيار المميز للطرح
وفي انتظار الجديد