وحده خانت واحد وهذا الرد

[حب يو]

 

وحده خانت واحد وهذا الرد

وحده خانت واحد وهذا رده حقها


لا ردك الله لا ولا أطلب ترديــن ......أدعي عليك بعثرة فـي صلاتـــــــي

عثرة تشلك ما بعدها تقوميـن ......يا قاتلتني يوم صرتي حياتــــــــي

خدان لك بالقلب كانت بساتين ...... ريضان وغصون بها يانعاتـــــــي

كنتي مناة القلب والروح والعين ....واليوم عينك يعلها ما تباتـــــــــي

كنت أحسبك للعهد والحب توفين ..قلتي الغدر بالحب ماهي بسواتــي

وحلفتي يمين الله ما منك اثنتين.......وانك ملاك دون كل البناتـــــــــي

وانك على عهد المودة تسيرين ....ولا تسمعين أهل الحسد والوشاتـي

وصار اليمين ستار خلفه توارين .......ورماح غدرك بالخفا مشرعاتـــي

وبان الغدر سم جرى بالشرايين ......الله عسى يسقيك سم الفعاتــــي

كلي سقيتك حب واليوم تنسيـن........تقولين حلم أيام واليوم فاتــــــي

خذتي الهوى لعبه على ما تحبين ......لين عصفت بالهوى عاصفاتـــي

من زينك يا بنت بالشعر تزيين؟؟ .......... من صورك بأبياته الطايلاتـــي

أنا من غرامي قلت كانك تذكرين ...... قلت الخجل صاب البدر من مناتـي

وصرتي بشعري في العذارى تباهين...تقولين أنا شمس العصر في حلاتي

زينتك بشعري ولا غرك الزين ..........ما زانتك صبغات حمر الشفاتــــي

صورتك بالشعر خزاما ورياحين .......وأثرك هضاب وشوك ما به هداتـي

رسمتك مهاه للجميله تقودين .............وأثرك قطيعه ضيعتها الرعاتـي

وأثرك غراب يوم سدل الجناحين ......كنت احسب إني شايف لي قطاتي

بالشعر غليتك على كل غاليين ...........وأثرك دنيه وتعشقين الدناتـــي

وبالشعر عاتبتك عتاب المحبين .........انا من يسوم الروح لك يا غناتـي

توسلت لك خايف على حب عامين .......عامين لكن في حسابي مئاتــي

ناديت لكن لي ابد ما تسمعين ...........عمري وروحي فكري في ثباتي

حذراك للشينات عمري تماشين ............عديمات أصل أخلاقهن دانياتي

غاب الولي عنهن ولعبن بحبلين ..............يا خس واليهن وخس الولاتي

ما همهن في الناس زين ولا شين ...........وقلوبهن من حقدهن مظلماتي

وقلتي وربك لو يكونا ملايين ..............ما غيرن بأطباعهن من سماتي

تحسبين انك بالمهافه ترقين .................كيف الصعود يكون للهاوياتي

وخنتي وبعتي كل عهد وأيامين ............ما عاد يفرق بين ماضي وآتي

وصرتي مثل غيرك برخص تبيعين .........يا مرخصتني ما بقى لك غلاتي

صبري نفذ واليوم ثارت براكين .............مظلوم انا وباكر تحل إدعواتي

سمعي عسى من بعدها ما تسمعين ......سمعي دعا من صار قلبه حصاتي

ادعي عسى من ناضرك ما تشوفين ......وتطحن بك الايام طحن الرحاتي

وعساك عوق منه ما عاد تبرين ..............عوق تشافق له قلوب العداتي

ويالله عسى يحتار فيك المداوين ...........تبين الممات ولا يجيك المماتي

ويالله عسى كف الندامه تعضين ..............تندمين يوم انه يفوت الفواتي

وتبكين دم يسيل من مقلة العين .............وتحتار امك عن عناك وتحاتي

عسى ما تلاقي من له القلب تهدين .......وان حصل ادعي عساك الشتاتي

يا بلوة اللي وسط بيته تعيشين ..........ساهي وحوله شب جمر الغضاتي

عسى بعمرك ساعه ما تهنين ..............وتمضي حياتك بين هم وشقاتي

يا بنت قلبي وين مثله تلاقين .................قلبا عطاك الحب ما قال هاتي

جيتك وروحي شلتها لك بكفين ............وفي التاليه رمح الخيانه جزاتي

يالله عساك النار يا أم وجهين ................كله انكشف لا ما تفيد العباتي

ويالله عسى تلبسك جن وشياطين ........وتكونين مدعاة الحكي والشماتي

يا حية رقطا تقود الثعابيـــــــــــن .........باكر تحن ايامك المعتمـــــــاتي

وباكر على فعلك بمثله تجازين ..............ظلم المشاعر ما تحكمه قضاتي

بيني وبينك تحكم ايام وسنين ............وانا شاهدي قلبا من الغدر ماتي

ويا دمعة التمساح لالا تذرفين .................العيون رغم ادموعها كاذباتي

لا ما عرفتي الحب لا ما تحسين .............وغدرك تعدى غدر ذيب الفلاتي

الذيب يعوي قبل يغدر بمسكين ...........وانتي غدرتي خافقي في سباتي

لو كان غدرك في كفوف الموازين .......لكان رجح كل غــــــــــدر البناتي

انتي السبب سقتي على القلب .......جرحين غدر الغرام وموجع الذكرياتي

وانتي السبب واليوم لالا تلومين ....... وان جاك باكر شوفي اشلون يأتي

والله لأكتب وأفضحك في دواوين .........وارقص واغني يوم خبر الوفاتي

وارسم لأهل العشق قلبا وسهمين ............وقصة خيانه ما روتها الرواتي

ويمين لأنشر فوق اسمك عناوين ........وأشهرك من قاصي اليمن للفراتي

ومن غرب هالدنيا الى قاصي الصين .......ديوان غـدر فيه كل اللغـــــــاتي

والبادي اظلم سنة العين بالعين .............وإلا فذي لا عادتي ولا صفاتي

ويا شبه إنسانه برأس ورجلين .............أعوذ بالرحمن منك بصـــــــلاتي

المصدر: منتديات برنس الإمارات - من قسم: الخواطر ونبـض المشاعر

---

,p]i ohkj ,hp] ,i`h hgv]

 

[ДŁ ṀσặŦ @я7₥.]

 

يسلمووو

^__*

 

 

[معزم بالرحيل]

 

تسلم أخوي ع القصيده

 

 

[@(~~بين ايديه~~)@]

 

تسلم سيد القلوب ع القصيدة ...
بس الكلمات قويه والله تعور القلب..

 

 

[دفـئ البوح]

 

مشكوور خيوو ما قصرت

 

 

[المظلومه]

 

موفق بإذن الله ... لك مني أجمل تحية .


يعطيك ألف عاافية يا سيد القلوووب ..

والصرااحة كلماات قوية ..


وربي لاا يحرمناا من يديدك ..


^^

 

 

[εїзالٌــ ٍـُسنِافٌــٍـيـﮧًεїз]

 

كلمات في قمة الذوق والروعة
من يقرة القصيدة يبحر فيها
يسلموع الاختيار المميز للطرح
وفي انتظار الجديد