,,الخطأ منــــــــــــــــــــي ,,

[دفـئ البوح]

 

,,الخطأ منــــــــــــــــــــي ,,

صباح الخير / مساء الخير

شحالكم أعضاء إن شاء الله بخير ؟

هذي قصيده عجبتني كثير وحبيت انكم تشوفوها وتقولون لي رايكم بعد



ما تغيَّر شي .. لكن .. صار فاضي هـا المكـان
يعني إنتَ شفت قلبي طحت مِنْ عيني وعينـه


كان لك قلبي مدينه ولاحظ إني قلت : كان
يعني إنتَ الحين واحد خارج حدود المدينه


ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه


ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه


والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟


جرحي ما يرضيه قلبك لو يجـي كلِّـه حنـان
لو تبوس الجرح فيني ولـو تقبلهـا إيدينـه


يُوم أحبك قلت كلمه : ( يكرَم المرء أو يُهان(
وإنتَ قلبي ما كرمته وما قدرت إنِّـك تهينـه


عزِّتي.. ما هي جديدهـ آنا شامخ من زمان
إغسل إيدك من رجوعي وروح يا ...........


طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بـ فراقـك يعينـه


تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه


كنت تخطي وكنت أسامح مرَّهـ مرتين وثمـان
أدمح الزله عشانك وأكتـم أنفـاس الغبينـه


كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه


في عيون الناس عادي بس في عيني جنـان
وكان قلبي من يشوفك تفضحه نظـرهـ حنينـه

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه


الفشل.. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه


وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه


جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه


قلت لك [ قلبي مدينهـ ] فيها لك حشمه وشـان
لكن إنتَ الحين أغرب شخص في هذي المدينــه ..


وسلاااااااااامتكم

تحياتي

عذبة المشاعر

المصدر: منتديات برنس الإمارات - من قسم: الخواطر ونبـض المشاعر

---

<

 

[@(~~بين ايديه~~)@]

 

تسلمين عذبة المشاعر ع الكلمات الرائعة..

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

 

 

[معزم بالرحيل]

 

تسلمين يالغالية ع خاطرهـ

ويعطيج العافية


وربي يديم هالتواصل

 

 

[دفـئ البوح]

 

المشاركة الأصلية كتبت بواسطة بين ايديه

تسلمين عذبة المشاعر ع الكلمات الرائعة..

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

الله يسلمج ويحفظج يارب
مشكوره على المرور الطيب خيتووو
لا عدمناج يا رب

 

 

[دفـئ البوح]

 

المشاركة الأصلية كتبت بواسطة إهتم فيني

تسلمين يالغالية ع خاطرهـ

ويعطيج العافية


وربي يديم هالتواصل

الله يسلمــــــــــــج ويعافيج خيتووو

لا عدمنا مرووووووورج الحلوو
يسلموو

 

 

[εїзالٌــ ٍـُسنِافٌــٍـيـﮧًεїз]

 

قصيدة قمة
واصلي التميز
ولج الرب حافظ

 

 

[دفـئ البوح]

 

مشكووورة خيتوو على المرور الطيب
تسلمي

:)